Shiva Tandava Stotram शिव ताण्डव स्तोत्र

ଶ୍ଳୋକ 1

जटाकटाहसम्भ्रमभ्रमन्निलिम्पनिर्झरीविलोलवीचिवल्लरीविराजमानमूर्धनि ।jaṭākaṭāhasambhramabhramannilimpanirjharīvilolavīcivallarīvirājamānamūrdhani |

धगद्धगद्धगज्ज्वलल्ललाटपट्टपावकेdhagaddhagaddhagajjvalallalāṭapaṭṭapāvake

किशोरचन्द्रशेखरे रतिः प्रतिक्षणं मम ॥ १ ॥kiśoracandraśekhare ratiḥ pratikṣaṇaṃ mama || 1 ||

ଶ୍ଳୋକ 2

धराधरेन्द्रनन्दिनीविलासबन्धुबन्धुरस्फुरदिगन्तसन्ततिप्रमोदमानमानसे ।dharādharendranandinīvilāsabandhubandhurasphuradigantasantatipramodamānamānase |

कृपाकटाक्षधोरणीनिरुद्धदुर्धरापदिkṛpākaṭākṣadhoraṇīniruddhadurdharāpadi

क्वचिच्चिदम्बरे मनो विनोदमेतु वस्तुनि ॥ २ ॥kvaciccidambare mano vinodametu vastuni || 2 ||

ଶ୍ଳୋକ 3

जटाभुजङ्गपिङ्गलस्फुरत्फणामणिप्रभाकदम्बकुङ्कुमद्रवप्रलिप्तदिग्वधूमुखे ।jaṭābhujaṅgapiṅgalasphuratphaṇāmaṇiprabhākadambakuṅkumadravapraliptadigvadhūmukhe |

मदान्धसिन्धुरस्फुरत्त्वगुत्तरीयमेदुरेmadāndhasindhurasphurattvaguttarīyamedure

मनो विनोदमद्भुतं बिभर्तु भूतभर्तरि ॥ ३ ॥mano vinodamadbhutaṃ bibhartu bhūtabhartari || 3 ||

ଶ୍ଳୋକ 4

सहस्रलोचनप्रभृत्यशेषलेखशेखरप्रसूनधूलिधोरणीविधूसराङ्घ्रिपीठभूः ।sahasralocanaprabhṛtyaśeṣalekhaśekharaprasūnadhūlidhoraṇīvidhūsarāṅghripīṭhabhūḥ |

भुजङ्गराजमालया निबद्धजाटजूटकःbhujaṅgarājamālayā nibaddhajāṭajūṭakaḥ

श्रियै चिराय जायतां चकोरबन्धुशेखरः ॥ ४ ॥śriyai cirāya jāyatāṃ cakorabandhuśekharaḥ || 4 ||

ଶ୍ଳୋକ 5

ललाटचत्वरज्वलद्धनञ्जयस्फुलिङ्गभानिपीतपञ्चसायकं नमन्निलिम्पनायकम् ।lalāṭacatvarajvaladdhanañjayasphuliṅgabhānipītapañcasāyakaṃ namannilimpanāyakam |

सुधामयूखलेखया विराजमानशेखरंsudhāmayūkhalekhayā virājamānaśekharaṃ

महाकपालिसम्पदे शिरो जटालमस्तु नः ॥ ५ ॥mahākapālisampade śiro jaṭālamastu naḥ || 5 ||

ଶ୍ଳୋକ 6

करालभालपट्टिकाधगद्धगद्धगज्ज्वलद्धनञ्जयाधरीकृतप्रचण्डपञ्चसायके ।karālabhālapaṭṭikādhagaddhagaddhagajjvaladdhanañjayādharīkṛtapracaṇḍapañcasāyake |

धराधरेन्द्रनन्दिनीकुचाग्रचित्रपत्रकप्रकल्पनैकशिल्पिनि त्रिलोचने मतिर्मम ॥ ६ ॥dharādharendranandinīkucāgracitrapatrakaprakalpanaikaśilpini trilocane matirmama || 6 ||

ଶ୍ଳୋକ 7

नवीनमेघमण्डलीनिरुद्धदुर्धरस्फुरत्कुहूनिशीथिनीतमःप्रबन्धबन्धुकन्धरः।navīnameghamaṇḍalīniruddhadurdharasphuratkuhūniśīthinītamaḥprabandhabandhukandharaḥ|

निलिम्पनिर्झरीधरस्तनोतु कृत्तिसिन्धुरःnilimpanirjharīdharastanotu kṛttisindhuraḥ

कलानिधानबन्धुरः श्रियं जगद्धुरन्धरः ॥ ७ ॥kalānidhānabandhuraḥ śriyaṃ jagaddhurandharaḥ || 7 ||

ଶ୍ଳୋକ 8

प्रफुल्लनीलपङ्कजप्रपञ्चकालिमच्छटाविडम्बिकण्ठकन्धरारुचिप्रबन्धकन्धरम् ।praphullanīlapaṅkajaprapañcakālimacchaṭāviḍambikaṇṭhakandharāruciprabandhakandharam |

स्मरच्छिदं पुरच्छिदं भवच्छिदं मखच्छिदंsmaracchidaṃ puracchidaṃ bhavacchidaṃ makhacchidaṃ

गजच्छिदान्धकच्छिदं तमन्तकच्छिदं भजे ॥ ८ ॥gajacchidāndhakacchidaṃ tamantakacchidaṃ bhaje || 8 ||

ଶ୍ଳୋକ 9

अगर्वसर्वमङ्गलाकलाकदम्बमञ्जरीरसप्रवाहमाधुरीविजृम्भणामधुव्रतम् ।agarvasarvamaṅgalākalākadambamañjarīrasapravāhamādhurīvijṛmbhaṇāmadhuvratam |

स्मरान्तकं पुरान्तकं भवान्तकं मखान्तकंsmarāntakaṃ purāntakaṃ bhavāntakaṃ makhāntakaṃ

गजान्तकान्धकान्तकं तमन्तकान्तकं भजे ॥ ९ ॥gajāntakāndhakāntakaṃ tamantakāntakaṃ bhaje || 9 ||

ଶ୍ଳୋକ 10

जयत्वदभ्रविभ्रमभ्रमद्भुजङ्गमस्फुरद्धगद्धगद्विनिर्गमत्करालफालहव्यवाट् ।jayatvadabhravibhramabhramadbhujaṅgamasphuraddhagaddhagadvinirgamatkarālaphālahavyavāṭ |

धिमिद्धिमिद्धिमिध्वनन्मृदङ्गतुङ्गमङ्गलध्वनिक्रमप्रवर्तितप्रचण्डताण्डवः शिवः ॥ १० ॥dhimiddhimiddhimidhvananmṛdaṅgatuṅgamaṅgaladhvanikramapravartitapracaṇḍatāṇḍavaḥ śivaḥ || 10 ||

ଶ୍ଳୋକ 11

दृषद्विचित्रतल्पयोर्भुजङ्गमौक्तिकस्रजोर्गरिष्ठरत्नलोष्ठयोः सुहृद्विपक्षपक्षयोः।dṛṣadvicitratalpayorbhujaṅgamauktikasrajorgariṣṭharatnaloṣṭhayoḥ suhṛdvipakṣapakṣayoḥ|

तृणारविन्दचक्षुषोः प्रजामहीमहेन्द्रयोःtṛṇāravindacakṣuṣoḥ prajāmahīmahendrayoḥ

समं प्रवर्तयन्मनः कदा सदाशिवं भजे ॥ ११ ॥samaṃ pravartayanmanaḥ kadā sadāśivaṃ bhaje || 11 ||

ଶ୍ଳୋକ 12

कदा निलिम्पनिर्झरीनिकुञ्जकोटरे वसन्विमुक्तदुर्मतिः सदा शिरःस्थमञ्जलिं वहन् ।kadā nilimpanirjharīnikuñjakoṭare vasanvimuktadurmatiḥ sadā śiraḥsthamañjaliṃ vahan |

विमुक्तलोललोचनाललामफाललग्नकःvimuktalolalocanālalāmaphālalagnakaḥ

शिवेति मन्त्रमुच्चरन्कदा सुखी भवाम्यहम् ॥ १२ ॥śiveti mantramuccarankadā sukhī bhavāmyaham || 12 ||

ଫଳଶ୍ରୁତି 13

इमं हि नित्यमेवमुक्तमुत्तमोत्तमं स्तवंimaṃ hi nityamevamuktamuttamottamaṃ stavaṃ

पठन्स्मरन्ब्रुवन्नरो विशुद्धिमेति सन्ततम् ।paṭhansmaranbruvannaro viśuddhimeti santatam |

हरे गुरौ स भक्तिमाशु याति नान्यथा गतिंhare gurau sa bhaktimāśu yāti nānyathā gatiṃ

विमोहनं हि देहिनां तु शङ्करस्य चिन्तनम् ॥ १३ ॥vimohanaṃ hi dehināṃ tu śaṅkarasya cintanam || 13 ||

ଫଳଶ୍ରୁତି 14

पूजावसानसमये दशवक्त्रगीतंpūjāvasānasamaye daśavaktragītaṃ

यः शम्भुपूजनमिदं पठति प्रदोषे ।yaḥ śambhupūjanamidaṃ paṭhati pradoṣe |

तस्य स्थिरां रथगजेन्द्रतुरङ्गयुक्तांtasya sthirāṃ rathagajendraturaṅgayuktāṃ

लक्ष्मीं सदैव सुमुखीं प्रददाति शम्भुः ॥ १४ ॥lakṣmīṃ sadaiva sumukhīṃ pradadāti śambhuḥ || 14 ||